Հայ-ռուսական համալսարանի միջազգային հարաբերությունների և հասարակաքաղաքական գիտությունների ինստիտուտի համաշխարհային քաղաքականության և միջազգային հարաբերությունների ամբիոնը Հայաստանում և տարածաշրջանում միջազգային հարաբերությունների և դիվանագիտության ոլորտում բարձրակարգ մասնագետների պատրաստման առաջատար կենտրոններից է։
Ամբիոնը հանդիսանում է նորարարական գիտագործնական կենտրոն նոր գիտելիքների հետազոտման և զարգացման, կրթական գործընթացում դրանց ներդրման, ինչպես նաև մասնակցում է Հայաստանի և արտերկրի փորձագիտական համայնքում արտաքին քաղաքական որոշումների ձևավորմանը:
Հիմնադրված լինելով 2002 թվականի մայիսին Հայ-ռուսական համալսարանի Քաղաքագիտության ֆակուլտետին կից՝ ավելի քան 18 տարվա հաջողված աշխատանքի ընթացքում ամբիոնը դրսևորվել է որպես նորարարական կենտրոն՝ կառուցված գիտական, մանկավարժական և կրթական գործունեության առաջադեմ տեխնոլոգիաների լավագույն ավանդույթների համադրությամբ:
Ուսումնական գործընթացը հիմնված է լսարանային պարապմունքների և ինքնուրույն աշխատանքի համակցման, ինչպես նաև ֆակուլտատիվ միջոցառումներին ուսանողների ակտիվ մասնակցության վրա. գիտա-գործնական (հանդիպումներ ՀՌՀ-ի, ԻՔԻ-ի և ամբիոնի հյուրերի հետ, գիտաժողովներ, սեմինարներ, կլոր սեղաններ), մշակութային (Ի՞նչ, որտե՞ղ, ե՞րբ» ինտելեկտուալ խաղեր՝ կազմակերպված համալսարանական, միջբուհական, հանրապետական և միջազգային մակարդակով, ՀՌՀ-ի ձայն և ՀՌՀ-ի տաղանդ, Ֆրանկոֆոնիայի օրեր ՀՌՀ-ում) և մարզական միջոցառումներ (շախմատի և շաշկիի մրցաշարեր, նաև ՀՌՀ-ի Սպորտային ակումբի աջակցությամբ ֆուտբոլի, բասկետբոլի և վոլեյբոլի համալսարանական, միջբուհական և հանրապետական մրցաշարեր):
Ամբիոնն ակտիվորեն համագործակցում է ՀՀ արտաքին գործերի նախարարության, Ռուսաստանի Դաշնության արտաքին գործերի նախարարության, Հայաստանում հավատարմագրված դեսպանությունների, հյուպատոսությունների և միջազգային կազմակերպությունների, ինչպես նաև գիտահետազոտական կենտրոնների և մասնավոր հատվածի հետ։
Ամբիոնի առաքելությունն է ձևավորել միջազգային հարաբերությունների ոլորտի ժամանակակից պահանջներին համապատասխանող ժամանակակից գիտելիքներ, հմտություններ և փորձ ունեցող, քաղաքացիական բարձր պատասխանատվությամբ, ինքնավստահ և մրցունակ մասնագետներ:
ՀՌՀ-ի արժեքներին և ավանդույթներն համապատասխան` ամբիոնն իր հիմնական խնդիրն է համարում ակտիվ, պատասխանատու և նախաձեռնող ուսանողների կրթությունը, ազատության և ստեղծագործական ոգու մթնոլորտի ձևավորումը:
ԳԻՏԱԿԱՆ ՈՒՂՂՈՒԹՅՈՒՆՆԵՐ
Ամբիոնում գործում են հետևյալ գիտական ուղղությունները՝
ՈՒՍՈՒՄՆԱԿԱՆ ԾՐԱԳՐԵՐԻ ՆԿԱՐԱԳՐՈՒԹՅՈՒՆ
Ամբիոնն ուսումնական և գիտական գործընթացն իրականացնում է երեք մակարդակով՝ բակալավրիատ, մագիստրատուրա և ասպիրանտուրա:
2016 թվականի սեպտեմբերից ՌԴ ԱԳՆ Մոսկվայի միջազգային հարաբերությունների պետական ինստիտուտի (համալսարան) հետ գործում է եզակի համատեղ կրթական մագիստրոսական ծրագիր։
Սրան զուգահեռ իրականացվում են ուսանողների փոխանակման ծրագրեր։
ԲԱԿԱԼԱՎՐԻ ԱՍՏԻՃԱՆ
Միջազգային հարաբերությունների բակալավրիատի կրթական ծրագիրը նախատեսված է այն ուսանողների համար, ովքեր հետաքրքրված են ժամանակակից միջազգային հարաբերությունների և համաշխարհային քաղաքականության ոլորտում ձեռք բերել խորը և համակարգված գիտելիքներ:
ՄԱԳԻՍՏՐԱՏՈՒՐԱ
Ծրագրի ղեկավարն է քաղաքական գիտությունների թեկնածու, դոցենտ, Ռուբեն Գագիկի Էլամիրյանը։
Ամբիոնն ունի երեք մագիստրոսական ծրագիր (երկուսը ռուսալեզու և մեկը անգլերեն լեզվով):
«Միջազգային հարաբերություններ և դիվանագիտություն»
Համատեղ կրթական մագիստրոսական ծրագիր ՌԴ ԱԳՆ ՄՄՀՊԻ (Հ)-ի հետ
Contemporary Diplomacy and International Affairs
ԱՍՊԻՐԱՆՏՈՒՐԱ
2005թ.-ից ամբիոնում գործում է ասպիրանտուրայի 5.5.4 «Միջազգային հարաբերություններ, գլոբալ և տարածաշրջանային ուսումնասիրություններ» մասնագիտությամբ գիտամանկավարժական կադրերի պատրաստման ծրագիրը:
Ծրագիրը նախատեսված է նրանց համար, ովքեր իրենց ապագան տեսնում են գիտության մեջ և/կամ ձգտում են գործնական գործունեության մեջ գիտական մոտեցման ավելի մեծ կիրառություն ունենալ:
Գևորգյան Նորա Վաչիկի քաղաքական գիտությունների թեկնածու, դոցենտ, Համաշխարհային քաղաքականության և միջազգային հարաբերությունների ամբիոնի վարիչի պաշտոնակատար, մասնագիտական կրթության որակի ապահովման փորձագետ
Կրթական գործունեություն
2005 թվականից աշխատում է Համաշխարհային քաղաքականության և միջազգային հարաբերությունների ամբիոնում։ Դասախոսում է «Համաշխարհային քաղաքականություն և միջազգային հարաբերություններ», «Ժամանակակից համաշխարհային քաղաքականություն», «Աշխարհաքաղաքականություն», «ԵՄ-ն գլոբալ քաղաքականության մեջ» թեմաները։
Մագիստրատուրայում դասախոսում է «Research strategy and methods of analysis », «Մեթոդաբանություն և հետազոտության մեթոդներ», ինչպես նաև «EU’s foreign policy» թեմաները։
Ասպիրանտուրայում դասախոսում է «Ժամանակակից աշխարհաքաղաքական հասկացություններ» թեման։
Ղեկավարում է բակալավրի և մագիստրոսական թեզերի ավարտական որակավորման աշխատանքները:
Գիտական գործունեություն
Հեղինակ է ավելի քան 20 գիտական աշխատությունների, այդ թվում՝ 2 մենագրության («Հայ-ամերիկյան հարաբերությունները Հարավային Կովկասում ԱՄՆ արտաքին քաղաքականության առաջնահերթությունների համատեքստում (1991-2001 թթ.) », “EU Policy in the South Caucasus Region: From Uniform Approach to Differentiation?”), ինչպես նաև ուսումնամեթոդական ձեռնարկ «Ժամանակակից համաշխարհային քաղաքականություն» թեմայի համար: